§ 60
| 1 | Hinc etiam uanae imagines, incerti uisus, instabilis gressus. |
| 2 | umbras saepe transiliunt sicut foueas. |
| 3 | nutat his terra, subito erigi et inclinari uidetur, quasi uertatur. |
| 4 | timentes in faciem ruunt et solum manibus adprendunt aut concurrentibus -montibus sibi uidentur includi. |
| 5 | murmur in auribus tamquam maris fluctuantis fragor et resonantia fluctu litora. |
| 6 | canes si uiderint, leones arbitrantur et fugiunt. |
| 7 | alii risu soluuntur incondito, alii inconsolabili maerore deplorant, alii inrationabilis cernunt pauores. |
| 8 | uigilantes somniant, dormientes litigant. |
| 9 | uita his somnium est, somnus his multus est. |
| 10 | excitari nullis uocibus possunt: quantolibet stimulandos inpulsu putes, nisi resipierint, uigilare non possunt. |